Diwali 2025 Gujarati Calendar: દિવાળી કઈ તારીખે છે 2025? જાણો તારીખ, લક્ષ્મી પૂજન, ચોપડા પૂજન મુહૂર્ત અને દિવાળી કેલેન્ડર

Diwali 2025 Gujarati Calendar (દિવાળી 2025 ગુજરાતી કેલેન્ડર): હિન્દુ ધર્મનો સૌથી મોટો અને મહત્વપૂર્ણ તહેવાર દિવાળી (Diwali 2025) , જેને દીપાવલી પણ કહેવામાં આવે છે, તે પ્રકાશના પર્વ તરીકે ઓળખાય છે. આ તહેવાર આધ્યાત્મિક રીતે અંધકાર પર પ્રકાશ, અજ્ઞાન પર જ્ઞાન, અનિષ્ટ પર સારા અને નિરાશા પર આશાના વિજયનું પ્રતીક છે. આ પાંચ દિવસીય ઉત્સવ દરમિયાન વિવિધ દેવતાઓ, ખાસ કરીને દેવી લક્ષ્મી અને ભગવાન ગણેશની પૂજા કરવામાં આવે છે. આ વર્ષે એટલે કે 2025માં દિવાળી ક્યારે છે? જાણો તારીખ, લક્ષ્મી પૂજન, ચોપડા પૂજન મુહૂર્ત અને દિવાળી કેલેન્ડર.

દિવાળી કઈ તારીખે છે 2025 (Diwali 2025 Date and Muhurat)

આસો મહિનાની અમાવસ્યા તિથિ 20 ઓક્ટોબરના બપોરે 03:44 વાગ્યે પ્રારંભ થશે અને 21 ઓક્ટોબરના સાંજે 05:54 વાગ્યે સમાપ્ત થશે. આ વર્ષે દિવાળીનો તહેવાર 20 ઓક્ટોબરે ઉજવાશે. આ પવિત્ર દિવસે માતા લક્ષ્મીની પૂજા કરવામાં આવે છે, જેનાથી ઘરમાં ધન, સુખ અને સમૃદ્ધિનું આગમન થાય છે.

દિવાળી 2025 લક્ષ્મી પૂજા મુહૂર્ત (Lakshmi Puja 2025 Date and Muhurat)

દિવાળીના દિવસે લક્ષ્મી પૂજા મુહૂર્ત સાંજે 07:34 થી રાત્રે 08:38 સુધીનો છે.

• પ્રદોષ કાળ - સાંજે 06:08 થી રાત્રે 08:38 સુધી
• વૃષભ કાળ - સાંજે 07:34 થી રાત્રે 09:33 સુધી

દિવાળી 2025 ચોપડા પૂજન શુભ મુહૂર્ત (Chopda Pujan 2025 Date and Muhurat)

આ વર્ષે દિવાળીના દિવસે ચોપડા પૂજન 20 ઓક્ટોબર 2025, સોમવારના રોજ ઉજવવામાં આવશે. દ્રિકપંચાંગ અનુસાર, દિવાળી ચોપડા પૂજા માટેના શુભ ચોઘડિયા મુહૂર્ત નીચે મુજબ છે.

• બપોરે મુહૂર્ત (ચલ, લાભ, અમૃત) - 03:44 PM થી 06:08 PM
• સાંજે મુહૂર્ત (ચલ) - 06:08 PM થી 07:41 PM
• રાત્રિ મુહૂર્ત (લાભ) - 10:48 PM થી 12:22 AM, ઓક્ટોબર 21
• વહેલી સવારે મુહૂર્ત (શુભ, અમૃત, ચલ) - 01:55 AM થી 06:36 AM, ઓક્ટોબર 21

ધનતેરસ 2025 તારીખ અને પૂજા મુહૂર્ત (Dhanteras 2025 Date and Time)

આસો મહિનાના કૃષ્ણ પક્ષની ત્રયોદશી તિથિ 18 ઓક્ટોબરના બપોરે 12:18 વાગ્યે પ્રારંભ થશે અને 19 ઓક્ટોબરના બપોરે 01:51 વાગ્યે સમાપ્ત થશે. આવી સ્થિતિમાં, ધનતેરસનો પવિત્ર તહેવાર આ વર્ષે 18 ઓક્ટોબરે ઉજવવામાં આવશે. આ દિવસે ખરીદીનું વિશેષ મહત્વ માનવામાં આવે છે, કારણ કે તે સમૃદ્ધિ અને સદભાગ્ય સાથે જોડાયેલો છે.

ધનતેરસના શુભ મુહૂર્ત 2025 (Dhanteras 2025 Muhurat)

ધનતેરસના દિવસે પૂજાનો શુભ મુહૂર્ત સાંજે 07:42 થી રાત્રે 08:39 સુધી રહેશે.

ધનતેરસ પૂજા વિધિ (Dhanteras Puja Vidhi)

• ધનતેરસના દિવસે વહેલી સવારે ઉઠીને સ્નાન કરીને સ્વચ્છ વસ્ત્રો ધારણ કરો.
• ત્યારબાદ મંદિરની સફાઈ કરીને સૂર્યદેવને જળ અર્પણ કરો.
• ચોકી પર દેવી લક્ષ્મી, ભગવાન ધન્વંતરી અને કુબેરજીની મૂર્તિઓ સ્થાપિત કરો.
• દીવો પ્રગટાવી ચંદનથી તિલક કરીને આરતી કરો અને ભગવાન ગણેશજીની પણ પૂજા કરો.
• કુબેરજીના મંત્ર 'ॐ ह्रीं कुबेराय नमः' નો 108 વાર જાપ કરો અને ધન્વંતરી સ્તોત્રનો પાઠ કરો.
• ત્યારબાદ મીઠાઈ, ફળ અને અન્ય નૈવેદ્ય અર્પણ કરીને શ્રદ્ધા મુજબ દાન કરો.
• માન્યતા છે કે આ વિધિ કરવાથી આર્થિક સમૃદ્ધિ મળે છે અને આર્થિક સમસ્યાઓમાંથી મુક્તિ પ્રાપ્ત થાય છે.

કાળી ચૌદસ 2025 તારીખ (Kali Chaudas 2025 Date and Muhurat)

દિવાળીના એક દિવસ પહેલા છોટી દિવાળી ઉજવવામાં આવે છે, જેને કાળી ચૌદસ અને નરક ચતુર્દશી તરીકે પણ ઓળખવામાં આવે છે. આસો મહિનાના કૃષ્ણ પક્ષની ચતુર્દશી તિથિનો પ્રારંભ 19 ઓક્ટોબરે બપોરે 01:51 કલાકે થશે અને તેનો અંત 20 ઓક્ટોબરે બપોરે 03:44 કલાકે થશે. આવી સ્થિતિમાં, આ વર્ષે કાળી ચૌદસ 20 ઓક્ટોબર 2025ના રોજ ઉજવાશે.

ગોવર્ધન પૂજા 2025 તારીખ (Govardhan Puja 2025 Date and Muhurat)

દિવાળીના બીજા દિવસે ગોવર્ધન પૂજાનો તહેવાર ઉજવવામાં આવે છે, જેને અન્નકૂટ પૂજા તરીકે પણ ઓળખવામાં આવે છે. કારતક માસના શુક્લ પક્ષની પ્રતિપદા તિથિ 21 ઓક્ટોબરે સાંજે 05:54 કલાકે શરૂ થશે અને 22 ઓક્ટોબરે રાત્રે 08:16 કલાકે સમાપ્ત થશે. આ વર્ષે ગોવર્ધન પૂજા 22 ઓક્ટોબરે ઉજવાશે. આ જ દિવસે ગુજરાતી વિક્રમ સંવત 2082 (Gujarati Vikram Samvat 2082) ની શરૂઆત થશે.

ગુજરાતી નવું વર્ષ 2025 તારીખ (Gujarati New Year 2025 Date and Muhurat)

કારતક માસના શુક્લ પક્ષની પ્રતિપદા તિથિ 21 ઓક્ટોબર, 2025 ના રોજ સાંજે 05:54 વાગ્યે શરૂ થશે અને 22 ઓક્ટોબર, 2025 ના રોજ રાત્રે 08:16 વાગ્યે પૂર્ણ થશે. આવી સ્થિતિમાં, આ દિવસે ગુજરાતમાં નવું વર્ષ એટલે કે બેસતું વર્ષ (Bestu Varsh 2025) ઉજવવામાં આવે છે.

ભાઈ બીજ 2025 તારીખ (Bhai Dooj 2025 Date and Muhurat)

દર વર્ષે કારતક શુક્લ દ્વિતિયા તિથિના દિવસે ભાઈ બીજનો પાવન તહેવાર ઉજવવામાં આવે છે. કારતક મહિનાની શુક્લ પક્ષની દ્વિતિયા તિથિ 22 ઓક્ટોબર રાત્રે 08:16 વાગ્યે શરૂ થશે અને 23 ઓક્ટોબર રાત્રે 10:46 વાગ્યે પૂર્ણ થશે. આ વર્ષે ભાઈ બીજ 23 ઓક્ટોબર, 2025 ના રોજ ઉજવાશે.

લાભ પાંચમ 2025 તારીખ (Labh Pancham 2025 Date and Muhurat)

ગુજરાતી કેલેન્ડર અનુસાર, કારતક સુદ પાંચમને લાભ પાંચમ તરીકે ઓળખવામાં આવે છે. નવા વર્ષમાં આ તહેવાર 26 ઓક્ટોબર, 2025 ના રોજ રવિવારે ઉજવાશે.

દેવ દિવાળી 2025 તારીખ (Dev Diwali 2025 Date and Muhurat)

કારતક પૂર્ણિમાના દિવસે દેવ દિવાળીની ઉજવણી થાય છે. આ વર્ષે દેવ દિવાળી 5 નવેમ્બર 2025, બુધવારના રોજ મનાવવામાં આવશે.

દિવાળી 2025 કેલેન્ડર (Diwali 2025 Gujarati Calendar)