Purnima Vrat 2026 Dates | Full Moon In 2025 With Tithi, Date And Time (પૂનમ ની યાદી 2026): હિંદુ કેલેન્ડર મુજબ, દરેક મહિનાની પૂર્ણિમા (Purnima 2026) ખૂબ જ શુભ માનવામાં આવે છે. આ દિવસે કરવામાં આવતી પૂજા, દાન અને સત્યનારાયણ વ્રત જીવનમાં સુખ, શાંતિ અને સમૃદ્ધિ લાવે છે એવી માન્યતા છે. આ દિવસે ગંગા સ્નાન અને ચંદ્રદેવની આરાધના પણ વિશેષ મહત્વ ધરાવે છે.
દરેક મહિનાની પૂર્ણિમાને તે મહિનાના નામથી ઓળખવામાં આવે છે અને હિન્દુ ધર્મમાં તેનો અલગ જ ધાર્મિક મહિમા છે. વર્ષ 2026 માં કયા મહિનામાં કઈ તારીખે પૂર્ણિમા ઉજવાશે અને તેનું ધાર્મિક મહત્વ શું છે. તે આ આર્ટિકલમાં જાણો.
પૂર્ણિમાનું ધાર્મિક મહત્વ (Significance of Purnima)
પૂર્ણિમાને ખૂબ જ ધાર્મિક અને આધ્યાત્મિક મહત્ત્વ છે. આ પવિત્ર દિવસમાં ચંદ્રના કિરણો વિશેષ શક્તિશાળી માનવામાં આવે છે. પૂર્ણિમા ભગવાન વિષ્ણુ, દેવી લક્ષ્મી અને ચંદ્ર દેવની પૂજા માટે સમર્પિત હોય છે. ભક્તો આ દિવસે સવારથી સાંજ સુધી ઉપવાસ રાખે છે અને ચંદ્ર દેવને અર્ઘ્ય અર્પણ કરીને ઉપવાસ તોડે છે. આ તિથિ પર સત્યનારાયણ પૂજાની પરંપરા પણ ચાલી આવે છે. માન્યતા મુજબ, આ દિવસે પૂજા કરવાથી અનેક ફળ મળતા હોય છે અને ઘરમાં સુખ, શાંતિ અને સમૃદ્ધિ પ્રકટ થાય છે.
પૂર્ણિમા પૂજા મંત્ર
ॐ श्रां श्रीं श्रौं सः चंद्राय नमः
या रक्ताम्बुजवासिनी विलासिनी चण्डांशु तेजस्विनी। या रक्ता रुधिराम्बरा हरिसखी या श्री मनोल्हादिनी॥
शान्ताकारं भुजगशयनं पद्मनाभं सुरेशं विश्वाधारं गगनसदृशं मेघवर्ण शुभाङ्गम् । लक्ष्मीकान्तं कमलनयनं योगिभिर्ध्यानगम्यम् वन्दे विष्णुं भवभयहरं सर्वलोकैकनाथम्॥
આ પણ વાંચો - Amavasya Dates 2026: વર્ષ 2026માં અમાસ ક્યારે છે? જાણો તારીખ, શુભ મુહૂર્ત, મહત્વ અને સંપૂર્ણ કેલેન્ડર
વર્ષ 2026 માટે પૂર્ણિમાની તારીખો (Purnima 2026 List)
| તારીખ | દિવસ | પૂર્ણિમાનું નામ |
| 3 જાન્યુઆરી, 2026 | શનિવાર | પોષ પૂર્ણિમા (પોષી પૂર્ણિમા / શાકંભરી પૂર્ણિમા) |
| 1 ફેબ્રુઆરી, 2026 | રવિવાર | માઘ પૂર્ણિમા (માઘી પૂર્ણિમા) |
| 3 માર્ચ, 2026 | મંગળવાર | ફાલ્ગુન પૂર્ણિમા (ફાગણ પૂર્ણિમા) |
| 2 એપ્રિલ, 2026 | ગુરુવાર | ચૈત્ર પૂર્ણિમા (ચૈત્રી પૂર્ણિમા) |
| 1 મે, 2026 | શુક્રવાર | વૈશાખ પૂર્ણિમા (બુદ્ધ પૂર્ણિમા) |
| 31 મે, 2026 | રવિવાર | જ્યેષ્ઠા અધિક પૂર્ણિમા |
| 29 જૂન, 2026 | સોમવાર | જ્યેષ્ઠા પૂર્ણિમા |
| 29 જુલાઈ, 2026 | બુધવાર | અષાઢ પૂર્ણિમા (ગુરુ પૂર્ણિમા) |
| 27 ઓગસ્ટ, 2026 | ગુરુવાર | શ્રાવણ પૂર્ણિમા (નારિયેળી પૂર્ણિમા) |
| 28 ઓગસ્ટ, 2026 | શુક્રવાર | શ્રાવણ પૂર્ણિમા (રક્ષાબંધન) |
| 26 સપ્ટેમ્બર, 2026 | શનિવાર | ભાદ્રપદ પૂર્ણિમા (ભાદરવી પૂર્ણિમા) |
| 25 ઓક્ટોબર, 2026 | રવિવાર | આસો પૂર્ણિમા (શરદ પૂર્ણિમા / કોજાગરી પૂર્ણિમા / રાસ પૂર્ણિમા) |
| 26 ઓક્ટોબર, 2026 | સોમવાર | આસો પૂર્ણિમા (શરદ પૂર્ણિમા / કોજાગરી પૂર્ણિમા / રાસ પૂર્ણિમા) |
| 24 નવેમ્બર, 2026 | મંગળવાર | કાર્તિક પૂર્ણિમા (કારતક પૂર્ણિમા) |
| 23 ડિસેમ્બર, 2026 | બુધવાર | માર્ગશીર્ષ પૂર્ણિમા (માગશર પૂર્ણિમા) |