Baba Vanga Prediction: હવે વર્ષ 2026ના આગમનને હવે માંડ એક મહિનો બાકી છે ત્યારે વિશ્વભરમાં ફરી એક વખત બુલ્ગેરિયાના જાણીતા ભવિષ્યવેતા બાબા વેંગાની ભવિષ્યવાણીઓ ભારે ચર્ચામાં છે. બાળપણમાં જ આંખો ગુમાવી દેનાર વેંગાએ તેમના જીવનકાળમાં ભવિષ્યને લઈ અનેક આગાહી કરી હતી. તેમના દ્વારા જે આગાહીઓ કરવામાં આવી તે પૈકી ઘણા ઘટનાઓ ખરી સાબીત થઈ ચુકી છે. તેમણે વર્ષ 2026 માટે પણ કેટલીક આગાહી કરી હતી.
શું પૂર્વમાંથી યુદ્ધની ચિનગારી ઉઠશે?
વેંગાનાની માહિતી પ્રમાણે વર્ષ 2026 વિશ્વ રાજકારણ માટે સૌથી અસ્થિર વર્ષોમાંનું એક હોઈ શકે છે. તેમણે સંકેત આપ્યો કે પૂર્વીય ક્ષેત્રમાં એક મોટો સંઘર્ષ ફાટી શકે છે, જે ધીમે ધીમે વિશ્વને એક મોટા યુદ્ધ તરફ ધકેલી દેશે. આ કથિત યુદ્ધ પશ્ચિમી વિશ્વને ભારે નુકસાન પહોંચાડશે અને વૈશ્વિક શક્તિ સંતુલનને સંપૂર્ણપણે બદલી નાખશે.
એક શક્તિશાળી રશિયન નેતા વિશ્વમાં એટલો પ્રભાવ મેળવી શકે છે કે લોકો તેને લગભગ ભગવાન માનવા લાગશે. અગાઉથી જ તણાવપૂર્ણ ભૂરાજનીતિના સમયમાં આવી આગાહીઓ લોકોની ચિંતામાં વધારો કરે છે.
ધરતીનો 7-8 ટકા ભાગ કુદરતી આફતોમાં ઘેરાઈ જશે
બાબા વેંગાએ વર્ષ 2026 ને કુદરતી આફતોના વર્ષ તરીકે આગાહી કરી હતી. તેમની આગાહીમાં વારંવાર ભૂકંપ, અનેક સક્રિય જ્વાળામુખીમાંથી મોટા વિસ્ફોટો, અણધાર્યા હવામાન ફેરફારો અને પર્યાવરણીય અસંતુલનનો સમાવેશ થાય છે. એવો દાવો કરવામાં આવે છે કે પૃથ્વીની જમીનની સપાટીનો 7-8% ભાગ આ આફતોથી ગંભીર રીતે પ્રભાવિત થઈ શકે છે.
આ ઘટના માત્ર માનવ જીવનને જ નહીં પરંતુ રાષ્ટ્રીય અર્થતંત્રો અને વૈશ્વિક બજારોને પણ અસર કરશે. કેટલાક અહેવાલો એવું પણ સૂચવે છે કે આ આફતો ફુગાવા અને આર્થિક પતનમાં વધારો કરી શકે છે.
આર્ટીફિશિયલ ઈન્ટેલિજન્સ વિશે સૌથી મોટો ભય
બાબા વેંગાની વર્ષ 2026ની આગાહીનો સૌથી ચર્ચિત ભાગ AIને લગતો છે. AI માનવ નિયંત્રણની બહાર થઈ શકે છે.બાબા વેંગાના મતે આવનારું વર્ષ એ મોટો વળાંક હોઈ શકે છે જ્યાં મશીનો મનુષ્યો કરતાં વધુ નિર્ણય લેવાની શક્તિ મેળવશે. આ ચેતવણી વર્તમાન ચિંતાઓ સાથે પડઘો પાડે છે કે જ્યાં લોકો પહેલાથી જ નોકરી ગુમાવવા, ડેટા સુરક્ષા અને મશીનોના બેફામ દોડવાની સંભાવના વિશે ચિંતિત છે. ટેકનોલોજી ઝડપી બની રહી છે, પરંતુ આ પ્રવેગને કોણ નિયંત્રિત કરશે? આ પ્રશ્ન સૌથી મોટા ભય તરીકે ઉભરી રહ્યો છે.
શું વર્ષ 2026માં એલિયન્સ સાથે પહેલો સંપર્ક થશે?
વર્ષ 2026ના વર્ષ સંબંધિત વેંગાની ભવિષ્યવાણીઓમાં સૌથી ચોંકાવનારો દાવો એ છે કે માનવજાત પહેલીવાર એલિયન્સનો સામનો કરી શકે છે. તેમણે સંકેત આપ્યો હતો કે એક વિશાળ અવકાશયાન પૃથ્વીની નજીક ઉડી શકે છે, અવકાશમાંથી સંદેશ અથવા સંપર્ક સ્થાપિત થઈ શકે છે અને આ વર્ષ માનવ ઇતિહાસનો સૌથી મોટો વળાંક બની શકે છે. જોકે આ માટે કોઈ વૈજ્ઞાનિક પુરાવા નથી.