Delhi Blast: દિલ્હીમાં 10 નવેમ્બરના રોજ થયેલા આત્મઘાતી કાર બોમ્બ વિસ્ફોટોની તપાસ કરી રહેલી ગુપ્તચર એજન્સીઓએ નવી વિગતો શોધી કાઢી છે જે એક મોટા આંતરરાષ્ટ્રીય આતંકવાદી નેટવર્ક હેન્ડલર્સનો એક સ્થાપિત ચેઇન અને કેટલાંક કોઓર્ડિનેટેડ હુમલાઓની તૈયારીઓ તરફ ઈશારો કરે છે.
દિલ્હીમાં લાલ કિલ્લા પાસે એક કાર બોમ્બ વિસ્ફોટ થયો, જેમાં 13 લોકો માર્યા ગયા અને લગભગ 20 ઘાયલ થયા . ડૉ ઓમર નબીએ આત્મઘાતી હુમલામાં પોતાને ઉડાવી દીધો. અન્ય ચાર મુખ્ય આરોપીઓ ડૉ મુઝમ્મિલ શકીલ ગનાઈ , અનંતનાગનો ડો આદિલ અહેમદ રાથેર, લખનઉનો ડૉ શાહીન સઈદ અને શોપિયાના મુફ્તી ઇરફાન અહેમદ વાગેને રાષ્ટ્રીય તપાસ એજન્સી (NIA) દ્વારા કસ્ટડીમાં લેવામાં આવ્યા છે.
5 લાખ રૂપિયામાં ખરીદી હતી AK-47 રાઇફલ
ગુપ્તચર સૂત્રોના જણાવ્યા અનુસાર, ફરીદાબાદમાં 2,500 કિલોથી વધુ એમોનિયમ નાઈટ્રેટ મળી આવ્યા બાદ ધરપકડ કરાયેલો આરોપી મુઝમ્મીલે ₹ 5 લાખથી વધુમાં કિંમતે AK-47 રાઈફલ ખરીદી હતી, જે પાછળથી અદીલના લોકરમાંથી મળી આવી હતી. આ હથિયાર ખરીદી એક મહત્વપૂર્ણ કડી છે. ગુપ્તચર એજન્સીના એક સૂત્રએ જણાવ્યું હતું કે તે મોડ્યુલ પાછળની તૈયારી અને ભંડોળનું સ્તર દર્શાવે છે.
લેયર્સમાં કામ કરતા હતા હેન્ડલર્સ
સૂત્રોએ વધુમાં જણાવ્યું હતું કે મોડ્યુલમાં દરેક આરોપી અલગ હેન્ડલરને રિપોર્ટ કરતો હતો. મુઝમ્મિલનો એક અલગ હેન્ડલર હતો, જ્યારે વિસ્ફોટના આરોપી ઉમર બીજાને રિપોર્ટ કરતો હતો. બે મુખ્ય હેન્ડલર , મન્સૂર અને હાશિમ એક વરિષ્ઠ હેન્ડલર હેઠળ કામ કરતા હતા જે મોડ્યુલની સમગ્ર પ્રવૃત્તિઓ પર દેખરેખ રાખતો હોવાનું માનવામાં આવે છે. એક અધિકારીએ જણાવ્યું હતું કે આ હેન્ડલર લેયરમાં કામ કરતા હતા.
ગુપ્તચર સૂત્રોએ પુષ્ટિ આપી હતી કે 2022માં મુઝમ્મિલ, અદીલ અને અન્ય એક આરોપી મુઝફ્ફર અહેમદ ઓકાસા નામના વ્યક્તિના કહેવાથી તુર્કી ગયા હતા, જે તહરીક-એ-તાલિબાન પાકિસ્તાન (TTP) સાથે સંકળાયેલ છે . તેમને તુર્કીમાં એક સંપર્ક દ્વારા અફઘાનિસ્તાન મોકલવાના હતા. જોકે, એક સૂત્રએ જણાવ્યું હતું કે લગભગ એક અઠવાડિયા સુધી રાહ જોયા પછી, હેન્ડલર પીછેહઠ કરી ગયો.
ઓકાસાએ મુઝમ્મિલ સાથે તેના ટેલિગ્રામ આઈડી દ્વારા વાત કરી
તપાસકર્તાઓને જાણવા મળ્યું કે ઓકાસાએ મુઝમ્મિલ સાથે ટેલિગ્રામ આઈડી દ્વારા વાતચીત કરી હતી. મુઝમ્મિલે તેના હેન્ડલર વિશે પૂછપરછ કર્યા પછી તેમની વાતચીત વધી ગઈ હતી. ગુપ્તચર અધિકારીઓએ જણાવ્યું હતું કે ઉમર બોમ્બ બનાવવાના વિડિયો, મેન્યુઅલ અને ઓનલાઈન ઓપન-સોર્સ સામગ્રીનો અભ્યાસ કરી રહ્યો હતો. તેણે નુહમાંથી રાસાયણિક ઘટકો અને ફરીદાબાદના ભગીરથ પેલેસ અને એનઆઈટી માર્કેટમાંથી ઇલેક્ટ્રોનિક ઘટકો ખરીદ્યા હતા.
વિસ્ફોટક મિશ્રણ તૈયાર કરવા માટે ડીપ ફ્રીઝર ખરીદ્યું
તેણે રસાયણો સંગ્રહવા અને વિસ્ફોટક મિશ્રણ તૈયાર કરવા માટે એક ડીપ ફ્રીઝર પણ ખરીદ્યું. એક સૂત્રએ જણાવ્યું હતું કે ફ્રીઝરનો ઉપયોગ સંયોજનને સ્થિર કરવા અને પ્રક્રિયા કરવા માટે કરવામાં આવતો હતો.
તપાસકર્તાઓએ ફરીદાબાદમાં અલ-ફલાહ યુનિવર્સિટી કેમ્પસમાં મુઝમ્મિલ અને ઓમર વચ્ચે પૈસાને લઈને ગંભીર ઝઘડો થયો હોવાની પુષ્ટિ કરી છે, આ ઘટના ઘણા વિદ્યાર્થીઓએ જોઈ હતી. ઝઘડા બાદ ઓમરે તેની લાલ ઇકોસ્પોર્ટ કાર જેમાં પહેલાથી જ વિસ્ફોટક સામગ્રી હતી, મુઝમ્મિલને આપી દીધી હતી.
આતંકવાદીઓ એકસાથે અનેક સ્થળોએ હુમલા કરવાની યોજના બનાવી રહ્યા હતા
ગુપ્તચર એજન્સીઓના જણાવ્યા અનુસાર આ મોડ્યુલ અનેક સ્થળોએ વિસ્ફોટકો સંગ્રહિત કરવાની અને એક સાથે હુમલા કરવાની યોજના બનાવી રહ્યું હતું. બધા ઈન્ડિકેટ એક કોઓર્ડિનેટેડ મલ્ટી લોકેશન સ્ટ્રાઈકના પ્લાનની તરફ નિર્દેશ કરે છે. એક વરિષ્ઠ ગુપ્તચર સૂત્રએ ANIને જણાવ્યું હતું કે જપ્ત કરાયેલ સામગ્રી અને ડિજિટલ ફૂટપ્રિન્ટ્સ આ ધારણાને સંપૂર્ણપણે સમર્થન આપે છે.
એજન્સીઓ નાણાકીય ચેનલો અને આંતરરાષ્ટ્રીય હેન્ડલર્સને શોધી રહી છે
મોટા નેટવર્ક, નાણાકીય ચેનલો અને આંતરરાષ્ટ્રીય હેન્ડલર્સને શોધવા માટે વધુ તપાસ ચાલી રહી છે. દરમિયાન દિલ્હી હાઈકોર્ટે શુક્રવારે લાલ કિલ્લાના આતંકવાદી હુમલાના સહ-આરોપી જસીર બિલાલ વાનીને NIA મુખ્યાલયમાં તેના વકીલને મળવાની મંજૂરી આપવાનો ઇનકાર કર્યો હતો. વાની હાલમાં NIA કસ્ટડીમાં છે.
(સમાચાર એજન્સી ANIના ઇનપુટ્સ સાથે)