Madhya Pradesh: નાના બાળકોની સંભાળ રાખવી ખૂબ જ પડકારજનક કામ છે, કારણ કે નાની ભૂલ પણ બાળકની સાથે સાથે મોટા લોકોની પણ પરેશાનીનું કારણ બની શકે છે. મધ્યપ્રદેશના બડવાની જિલ્લાના કારી ગામમાં એક ચોંકાવનારો કિસ્સો પ્રકાશમાં આવ્યો છે, જ્યાં માતાપિતાની નાની બેદરકારીએ નવ મહિનાના બાળકનો જીવ મુશ્કેલીમાં ફસાયો હતો.
બાળક છેલ્લા કેટલાક દિવસોથી સતત શરદી અને ખાંસીથી પીડાઈ રહ્યો હતો. જ્યારે ઘરેલું ઉપચારથી રાહત ન મળી ત્યારે પરિવાર તેને ડૉક્ટર પાસે લઈ ગયા. ડૉક્ટરે એક્સ-રે કરાવવાનો આદેશ આપ્યો. એક્સ-રે ફિલ્મ જોઈને ડૉક્ટર આશ્ચર્યચકિત થઈ ગયા.
પેન્ડન્ટ ગળામાં અટવાઈ ગયું હતું
હકિકતમાં બાળકના ગળામાં મંગળસૂત્ર પેન્ડન્ટ ફસાઈ ગયું હતું, જેના કારણે તેને ભારે તકલીફ પડતી હતી. તેણે બાળકને નિષ્ણાત ડૉક્ટર પાસે લઈ જવાની સલાહ આપી. ત્યારબાદ, બાળકના પરિવારજનો રવિવારે તેને જિલ્લા હોસ્પિટલમાં લાવ્યા. અહીં, ENT નિષ્ણાત ડૉ. અનુપમ બત્રાએ બાળકનું ઓપરેશન કર્યું અને તેના ગળામાં ફસાયેલું પેન્ડન્ટ કાઢ્યું હતું.
અહેવાલો અનુસાર, જિલ્લા મુખ્યાલય નજીક આવેલા કારી ગામના રહેવાસી નરસિંહ વાસ્કલે છેલ્લા કેટલાક દિવસોથી ખાંસીથી પીડાતો હતો. જ્યારે તેને કોઈ રાહત ન મળી, ત્યારે તેના માતા-પિતા તેને સ્થાનિક ડૉક્ટર પાસે લઈ ગયા. ડૉક્ટરે બાળકની છાતીનો એક્સ-રે કરાવ્યો જેમાં તેમના ગળામાં ધાતુનો ટુકડો ફસાયેલો જોવા મળ્યો. એક્સ-રે રિપોર્ટના આધારે જિલ્લા હોસ્પિટલના ઇએનટી નિષ્ણાત ડૉ. બત્રાએ બાળકની સારવાર શરૂ કરી અને સર્જરી કરીને તેના ગળામાં ફસાયેલા મંગળસૂત્રના પેન્ડન્ટને કાઢ્યું હતું. ઓપરેશન પછી બાળક હવે ખતરામાંથી બહાર છે.