https://www.gujaratijagran.com/gujarat/jamnagar/late-night-fight-between-two-groups-in-bedi-area-of-jamnagar-649342

પ્રાપ્ત વિગતો મુજબ, બેડી વિસ્તારમાં મોડી રાત્રે બે જૂથો વચ્ચે સામાન્ય બાબતે બોલાચાલી શરૂ થઈ હતી. શરૂઆતમાં મૌખિક દલીલબાજી થઈ, પરંતુ બંને પક્ષે ઉગ્ર વલણ અપનાવતા પરિસ્થિતિ કાબૂ બહાર જતી રહી હતી. બોલાચાલીએ થોડી જ વારમાં મારામારીનું ઉગ્ર સ્વરૂપ ધારણ કરી લીધું હતું, અને બંને પક્ષે એકબીજા પર છુટ્ટા પથ્થરોનો મારો શરૂ કરી દેવામાં આવ્યો હતો. મોડી રાત્રે અચાનક સર્જાયેલા આ ધિંગાણાને કારણે સ્થાનિક રહીશોમાં મોટો ફફડાટ ફેલાઈ ગયો હતો.