Reeva Rachh Photos: ગુજરાતી સિનેમામાં પોતાની આગવી ઓળખ ઊભી કરનાર અભિનેત્રી રિવા રાચ્છ (Riva Rachh) હાલમાં ફરી એકવાર ચર્ચાનું કેન્દ્ર બની છે. ધાર્મિક અને દાર્શનિક ગુજરાતી ફિલ્મ ‘લાલો – શ્રી કૃષ્ણ સદા સહાયતે’ (Lalo – Shri Krishna Sada Sahayate)માં તેના શાનદાર અને સાદા અભિનય બાદ, રિવાએ સોશિયલ મીડિયા પર તેના લેટેસ્ટ ફોટોશૂટની તસવીરો શેર કરી છે, જેમાં તેનો અત્યંત ગ્લેમરસ અને બોલ્ડ લુક જોવા મળી રહ્યો છે.
આ નવા ફોટોશૂટમાં રિવા રાચ્છનો લુક તેની ફિલ્મી ભૂમિકાથી તદ્દન વિપરીત છે. ‘લાલો’માં તે એક સરળ અને પરંપરાગત યુવતીના પાત્રમાં જોવા મળી હતી, જે તેની સાદગીથી દર્શકોના દિલ જીતી ગઈ હતી. પરંતુ આ તસવીરોમાં તે ફેશન આઇકોન તરીકે ઉભરી આવી છે, તેને સાબિત કર્યું છે કે તે કોઈપણ લુકને આત્મવિશ્વાસ સાથે કેરી કરી શકે છે.
આ પણ વાંચો
રિવા રાચ્છે વન પીસ ગાઉન પહેર્યો
તસવીરોમાં રિવાએ ડાર્ક કલરનો, આધુનિક કટ ધરાવતો વન-પીસ ગાઉન પહેર્યો છે. આ ડ્રેસમાં ઝીણવટભર્યું સીક્વન્સ વર્ક અને બોડી-હગિંગ સિલુએટ તેના ફિગરને હાઇલાઇટ કરે છે. આકર્ષક પોઝ અને મિનિમલ મેકઅપ સાથેનો તેનો સીમરી લુક તેના ગ્લેમરને ચાર ચાંદ લગાવી રહ્યો છે. તેના ખુલ્લા વાળ અને સટલ એસેસરીઝ આખા લુકને એકદમ સ્ટાઇલિશ બનાવે છે.
ફોટોને ફેન્સે વધાવ્યો
અભિનેત્રીનો આ આત્મવિશ્વાસ પૂર્ણ અને સ્ટાઇલિશ અવતાર સોશિયલ મીડિયા પર જબરદસ્ત વાયરલ થઈ રહ્યો છે. ચાહકો તેની સુંદરતા અને ફેશન સેન્સના ભરપેટ વખાણ કરી રહ્યા છે. તેની તસવીરો પર હજારોની સંખ્યામાં લાઇક અને કોમેન્ટ આવી રહી છે, જેમાં ફેન્સ તેના ગ્લેમરસ દેખાવ અને પરિવર્તનની પ્રશંસા કરી રહ્યા છે.
રિવા રાચ્છે સાબિત કરી દીધું છે કે તે ગુજરાતી ફિલ્મ ઇન્ડસ્ટ્રીની એક એવી અભિનેત્રી છે જે અભિનયની સાથે સાથે ફેશન જગતમાં પણ પોતાની છાપ છોડવા સક્ષમ છે. ચાહકો હવે તેના આગામી પ્રોજેક્ટ્સની આતુરતાથી રાહ જોઈ રહ્યા છે અને આ તસવીરો તેમના માટે એક ટ્રીટ સમાન છે.
