ઘઉંનો કરકરો લોટ, ચણાનો લોટ, ઘી, ગોળ, ઈલાયચી પાઉડર, જાયફળ પાઉડર, બદામ, તેલ, પાણી.
એક મોટા વાસણમાં ઘઉંનો કરકરો લોટ અને ચણાનો લોટ ચાળી લો. બંને લોટ સરખી રીતે મિક્સ કરવાથી લાડુનો ટેક્સચર સરસ આવશે.
લોટમાં તેલનું મોણ નાખી, જરૂર મુજબ નવશેકું ગરમ પાણી ઉમેરી કઠણ લોટ બાંધો. આ લોટમાંથી મીડિયમ સાઈઝના મુઠીયા તૈયાર કરો.
કડાઈમાં તેલ ગરમ કરી, તૈયાર કરેલા મુઠીયાને ધીમા તાપે તળો. મુઠીયા અંદરથી કાચા ન રહે અને બહારથી ગોલ્ડન બ્રાઉન થાય ત્યાં સુધી તળવા.
તળેલા મુઠીયા થોડા ઠંડા થાય એટલે તેના ટુકડા કરી મિક્સરમાં પીસી લો. તૈયાર થયેલા ભુક્કાને ચાળણીથી ચાળી લો જેથી ચૂરમું એકસરખું બને.
પીસેલા ચૂરમામાં ઈલાયચી પાઉડર, જાયફળ પાઉડર અને ઝીણી સમારેલી બદામ-કાજુ ઉમેરી બરાબર મિક્સ કરી લો.
એક કડાઈમાં ઘી ગરમ કરો. ઘી ગરમ થાય એટલે તેમાં ઝીણો સમારેલો ગોળ નાખો. ગોળ ઓગળી જાય અને ઘી સાથે ભળી જાય એટલે ગેસ બંધ કરી દો (બહુ ઉકાળવું નહીં).
તૈયાર થયેલા ગરમ ઘી-ગોળના મિશ્રણને ચૂરમાના ભુક્કામાં રેડો. ચમચા વડે બધું બરાબર હલાવીને મિક્સ કરી લો.
મિશ્રણ હાથથી અડકી શકાય તેવું સહેજ ઠંડું થાય એટલે તેના ગોળ લાડુ વાળી લો. છેલ્લે ઉપરથી ખસખસ લગાવીને ગાર્નિશ કરી શકાય છે.
અવનવી રેસીપી માટે ગુજરાતી જાગરણ વાંચતા રહો.